რადიატორი და საშრობი

Menu
გაიგეთ მეტი

რა ტიპის გათბობის რადიატორებს გთავაზობთ თერმოინდუსტრია?

ცენტრალური გათბობის სისტემისთვის არსებობს ალუმინის სექციური, ფოლადის პანელური და თუჯის რადიატორები. მათ განსხვავებული ზომა, ვიზუალური მხარე, სითბომწარმოებლურობა და ფასი აქვთ.

რა უპირატესობა აქვს ალუმინის სექციურ რადიატორს?

ალუმინის სექციური რადიტორები მრავალფეროვანი დიზაინით გვხვდება. შეგვიძლია, მოვარგოთ ნებისმიერ ინტერიერს. ფერადი რადიატორები თანამედროვე ინტერიერში ფართოდ გამოიყენება. სექციურ რადიატორებს ახალიათებთ:

  • სიმსუბუქე და კომპაქტურობა
  • ვარიაცია ზომებში, ფორმებსა და ფერებში
  • სექციური რადიატორები სწრაფად თბება და გრილდება
  • სექციების დამატება, ნებისმიერ დროს არის შესაძლებელი.

ალუმინის სექციური რადიატორი იძლევა ოთახის ტემპერატურის ეფექტურად მართვის საშუალებას. სექციების დამატებით, შესაძლებელია, გავზარდოთ მათი სითბომწარმოებლურობაც.

სექციური რადიატორების უარყოფითი მხარე არის ის , რომ ისინი მგრძნობიარენი არიან დაბინძურებული წყლის და ჰიდრავლიკური დარტყმების მიმართ. ალუმინის რადიატორი დიდი ხნის განმავლობაში არ უნდა დარჩეს ჩაკეტილი სარქველებით. ეს მის ჰერმეტულობას უქმნის საფრთხეს. სასურველია ამგვარ რადიატორებზე დაყენდეს ავტომატური ჰაერგამშვები.

რა უპირატესობა აქვს ფოლადის პანელურ რადიატორს?

პანელური რადიატორები, სტანდარტულად, მარტივი კონსტუქციისაა. ადვილია მათი მონტაჟიც.

  • პანელური რადიატორი უძლებს მაღალ წნევას
  • დაკომპლექტებულია საკიდებით, ხუფით და ჰაერგამშვებით
  • აქვს დაბალი ფასი

პანელური რადიატორების უარყოფითი მხარე, ისევე როგორც სექციურის, კოროზიის საშიშროებაა. ვერ უძლებს ჰიდრავლიკურ დარტყმებს. ასეთ გათბობის რადიატორს ექსპლოატაციის ხანგრძლივობა უფრო ნაკლები აქვს, ვიდრე სექციურს. ბევრად დიდი გაბარეტებისაა.

რა უპირატესობა აქვს თუჯის რადიატორს?

დღევანდელ დღეს თუჯის რადიატორებს, ძირითადად დეკორატიული თვალსაზრისით იყენებენ. ასეთი პროდუქტი ნებისმიერ ინტერიერს განსხვავებულ ხიბლს ანიჭებს. იტალიური თუჯის რადიატორები 100%-ით ხელნაკეთია. ისინი მხოლოდ სპეციალური შეკვეთით მზადდება. მწარმოებელი გვთავაზობს ფერების ფართო არჩევანს. თუჯის რადიატორები დიდი გაბარეტებისაა. ბუნებრივი მასალა დიდხანს ინარჩუნებს სითბოს.

როგორ შევარჩიოთ ცენტრალური გათბობის სისტემის რადიატორის ტიპი?

გათბობის სისტემის დაგეგმვა კომპლექსური საკითხია. კედლის ქვაბის შერჩევის შემდეგ, რადიატორების ჯერი დგება. თითოეული სივრცის გათბობას მაინც ინდივიდუალური მიდგომა სჭირდება. გასათვალისწინებელია შენობის ფართი, სითბოდანაკარგები. საშუალოდ კი რადიატორების საჭირო რაოდენობა შემდეგნაირად ითვლება:

  • 600 მმ სიმაღლის, სტანდარტული სექციური რადიატორი 1,6 კვადრატულ მეტრ ფართს ათბობს;
  • 1 გრძივი მეტრი პანელური რადიატორი კი 17,5 კვადრატულ მეტრს.

გათბობის სისტემის პროექტირება, გირჩევთ, ანდოთ კვალიფიციურ სპეციალისტებს.

ხარისხი და გარანტია

პანელური რადიატორების ქარხნული გარანტია 10 წელია. ალუმინის სექციური რადიატორების კი 15 წელი.

პირსახოცის საშრობები:

ისევე როგორც რადიატორები, არსებობს როგორც ფოლადის, ისე ალუმინის. ფოლადის საშრობები ძირითადად გვხვდება ქრომირებული (ვერცხლისფერი), ან თეთრი შეფერილობის. განსხვავება მათ შორის:

  • ფერისა და დიზანის მიხედვით ალუმინის პირსახოცის საშრობები უფრო მრავალფეროვანია
  • ალუმინის საშრობი ნაკლებად განიცდის კოროზიას
  • ფოლადის საშრობის ქარხნული გარანტია 10 წელია. ალუმინის პირსახოცის საშრობის კი 15 წელი.