ცენტრალური გათბობის სისტემები

საცხოვრებელ თუ საოფისე შენობებში, გათბობის სისტემები ყველგან აქტუალურია. მასზეა დამოკიდებული ჩვენი კომფორტი და ყოველთვიური კომუნალური ხარჯიც. ცენტრალური გათბობა ხანგრძლივი მოხმარების პროდუქტია. ამიტომ, ის უნდა იყოს უსაფრთხო და სწორად შერჩეული.

გათბობის რა სისტემებს გთავაზობთ თერმოინდუსტრია?

თერმოინდუსტრია გთავაზობთ სხვადასხვა ტიპის გათბობის სისტემებს:

  • ბუნებრივ აირსა და მყარ საწვავზე მომუშავე დანადგარებს
  • კედლის ქვაბებს
  • რადიატორებსა და საშრობებს
  • ელექტრო თბილ იატაკს
  • სანთურებს

კედლის ქვაბები

არსებობს ორი ტიპის კედლის ქვაბი, ტრადიციული და საკონდენსაციო. განვიხილოთ თითოეული მათგანი: ტრადიციული ქვაბის საკვამლე მილიდან გამოტყორცნილი მაღალი ტემპერატურის გამონაბოლქვი გარემოში უსარგებლოდ იკარგება. საკონდენსაციო ქვაბის საკვამლე მილიდან გამოსროლილი წარმავალი აირების ენერგია კი წყლის წინასწარ შესათბობად გამოიყენება. შესაბამისად, საკონდენსაციო ქვაბი ნაკლებ საწვავს მოიხმარს და ეკონომიურია. თერმოინდუსტრია ცენტრალური გათბობის ქვაბების მწარმოებელი კომპანიის,  ITALTHERM „იტალთერმი“-ის ექსკლუზიური პარტნიორია.

ცენტრალური გათბობის ქვაბი Italiatherm

პროდუქცია 100%-ით იტალიურია. ქვაბები იწარმოება, იწყობა და მოწმდება იტალიის ქალაქ პიაჩენცაში. თითოეული პროდუქტი გადის ელექტრონულ, ჰიდრავლიკურ და უსაფრთხოების ლაბორატორიულ შემოწმებას. აქვს ISO 9001 სერტიფიკატი. მის დახვეწილ დიზაინზე კი ცნობილმა დიზაინერმა Giorgetto Giugiaro-მ იზრუნა.

იატაკის გათბობა

თბილი იატაკი თანამედროვე გათბობის სისტემაა. ის ეკონომიური და კომფორტულია. არ აშრობს ჰაერს. სითბო ოთახის მთელ პერიმეტრზე თანაბრად ნაწილდება. არსებობს ორი სახის იატაკის გათბობა: ელექტრო და ცენტრალური გათბობაზე მომუშავე. ელექტრო თბილი იატაკი შესაძლოა იყოს: ტრადიციული კაბელური, ღერძოვანი კაბელური და ინფრაწითელი. იატაკის გათბობა არ იკავებს ოთახის სივრცეს. შესაძლებელია, ნებისმიერი დიზაინის ინტერიერის მოწყობა. თბილი იატაკის დაგება ხდება როგორც ქვის საფარის, ასევე ლამინატის და ხის საფარის ქვეშ. ის იმართება კედელზე განთავსებული თერმოსტატის საშუალებით. იატაკში განთავსებული მილები უწყვეტია. მათი გარანტია 50 წელია.

რადიატორები

ცენტრალური გათბობის რადიატორები

ცენტრალური გათბობის სისტემის ერთ-ერთი ყველაზე გავრცელებული შემადგენელი ნაწილი რადიატორებია. არსებობს ალუმინის, ფოლადის და თუჯის რადიატორები. მათ განსხვავებული ზომა, დიზაინი და სითბომწარმოებლურობა აქვთ. ალუმინის რადიატორები მსუბუქი და კომპაქტურია. უფრო ხშირად ისინი სექციურ ნაწილებადაა წარმოდგენილი. შესაძლებელია სექციების რაოდენობის დამატება-ამოკლება. რადიატორების ფერთა გამის შერჩევა ოთახის ინტერიერის მიხედვით. ფოლადის პანელური რადიატორები სტანდარტული ზომების იწარმოება. ძირითადად ერთნაირი დიზაინისაა. უძლებს მაღალ წნევას. უპრობლემოდ მუშაობს დაბალ ტემპერატურაზეც.

რა უნდა გავითვალისწინოთ ცენტრალური  გათბობის სისტემების შეძენამდე?

ცენტრალური გათბობის სისტემის შერჩევას ინდივიდუალური მიდგომა სჭირდება. სპეციალისტები ითვალისწინებენ, ფართის ადგილმდებარეობას, შენობის ტიპს, მის თბოიზოლაციას, სითბოდანაკარგებს და ა.შ.  დაგეგმარების შემდეგი ეტაპი კედლის ქვაბის შერჩევაა. საშუალოდ, 10 კვადრატული მეტრი სივრცის გასათბობად 1 კვტ ენერგიაა საჭირო. არსებობს ერთკონტურიანი და ორკონტურიანი ქვაბები. პირველი ემსახურება მხოლოდ გათბობის სისტემას. მეორე კი ცხელწყალმომარაგებასაც.  ისეთ შენობებში, სადაც სველი წერტილების რაოდენობა ორს აღემატება, სასურველია დამონტაჟდეს მოცულობითი თბომცვლელი. გასათვალისწინებელია დანადგარის და მისი მონტაჟის უსაფრთხოება. გათბობის ქვაბი აღჭურვილი უნდა იყოს უსაფრთხოების სენსორებით, გამდინარე წყლის ნაკადის ფილტრიანი რელეთი, გაყინვის საწინააღმდეგო სენსორით.

რა ღირს ცენტრალური გათბობის სისტემის შეძენა?

გათბობის სისტემის ღირებულების დაანგარიშება გასათბობი ფართის მიხედვით ხდება. ჯამური ფასი გამომდინარეობს ქვაბის ხარისხის, სიმძლავრის, რადიატორების რაოდენობისა და სველი წერტილების მიხედვით.

ცენტრალური გათბობის დამონტაჟება

გათბობის სისტემების მონტაჟისას გასათვალისწინებელია გაზის სამსახურის ტექნიკური რეგლამენტი. უბედური შემთხვევების თავიდან აცილების მიზნით, კედლის ქვაბი შეიძლება განთავსდეს აივანზე. სამზარეულოში ან არასაცხოვრებელ ფართში, სადაც არის სარკმელი.  დიდი მნიშვნელობა აქვს, საკვამლე მილის სწორ მონტაჟსაც. ტრადიციული და საკონდენსაციო ქვაბების საკვამლე მილები განსხვავებულ დახრას საჭიროებს. შესაძლებელია, მილის დაგრძელებაც. თუმცა ესეც კონკრეტული დანადგარის ინსტრუქციის მიხედვით უნდა შესრულდეს. მონტაჟის ფასებიც განსხვავდება შესასრულებელი სამუშაოების სირთულის მიხედვით. საგულისმოა, ეკონომია არ გაკეთდეს ფილტრებსა და  ძაბვის რეგულატორზე, რადგან დენის ცვალებადობა აზიანებს ქვაბის ელექტრო სქემას. სწორად შესრულებული სამონტაჟო სამუშაოები მომხმარებელს თავიდან ააცილებს შემდგონ გაუთვალისწინებელ ხარჯს.

დამატებითი ინფორმაციისთვის ეწვიეთ გვერდს, სადაც შეიტყობთ დეტალურ ინფორმაციას ცენტრალური გათბობის სისტემების მონტაჟის შესახებ.

როგორ მოვუაროთ უკვე დამონტაჟებულ გათბობას?

  • თუკი გათბობის ქვაბი აივანზეა დამონტაჟებული, აუცილებელია ის მოთავსდეს შესაბამის კარადაში.
  • საჭიროა გარეთ არსებული მილების თბოიზოლირება.
  • წელიწადში ერთხელ, ზამთრის სეზონის დადგომამდე, სასურველია სპეციალისტმა გაასუფთავოს ქვაბის გაზის წვის კამერა.
  • საფართოვებელ ავზში შემოწმდეს წნევა.
  • კოროზიის, არასასურველი ნალექის, თავიდან აცილების მიზნით სისტემა უნდა დაიცალოს. შეიცვალოს  წყალი. მოხდეს სპეციალური დამარბილებელი ხსნარის დამატება.

რა დაგიჯდებათ ყოველთვიურად ცენტრალური გათბობის მოხმარება?

თუკი შენობას ექნება თბოიზოლაცია, მინაპაკეტის კარ-ფანჯარა, სწორად განაწილებული რადიატორები, ენერგოდამზოგი გათბობის ქვაბი, მომხმარებელს არ შეაწუხებს გადაჭარბებული ყოველთვიური გადასახადი. ქვაბის სწორი მონტაჟის შემთხვევაში, არც ხელოსნის ხშირი გამოძახებაა საჭირო. თუმცაღა, საწვავის ხარჯი ძირითადად მაინც გასათბობი სივრცის ფართობზეა დამოკიდებული. სწორი პროექტირებისა და მონტაჟის შემთხვევაში შესაძლებელია, გადასახადის ოპტიმიზაცია.

გააზიარე

Share on facebook
Share on email