ზამთრის მოახლოებასთან ერთად გათბობის სისტემაზე ზრუნვა იწყება. ვისაც ამ სფეროში გამოცდილება აქვს, დაგვეთანხმება, რომ ახალი ქვაბის ყიდვა ყოველთვის არ არის სიმშვიდის გარანტია. სამწუხაროდ, სულ რაღაც რამდენიმე წელში, შესაძლოა, ტექნიკამ ხმაური დაიწყოს, წყალმა გაჟონოს ან საერთოდ მოწყობილობამ მუშაობა შეწყვიტოს. ასეთ დროს ოჯახი დგება არცთუ ისე სასიამოვნო არჩევანის წინაშე — ქვაბი ან უნდა შეაკეთოს, ან ახალი იყიდოს. იტალიური ბრენდის, „იტალთერმის“ მაგალითზე, გვსურს, აგიხსნათ, რეალურად რა განასხვავებს გამძლე ქვაბს ჩვეულებრივი მოწყობილობისგან. აქ საქმე არ ეხება მხოლოდ იტალიურ წარმოებას ან ბრენდის 50 წლიან ისტორიას. მთავარი საიდუმლო იმ ტექნიკურ ნიუანსებშია, რომლებიც კორპუსის შიგნით იმალება და მომხმარებლის თვალისთვის ხშირად შეუმჩნეველია.
რატომ არის კერამიკული ტუმბო საუკეთესი არჩევანი?
გათბობის ქვაბის კიდევ ერთი სუსტი წერტილი, რომელსაც ბევრი მომხმარებელი ყურადღებას არ აქცევს, ჰიდრობლოკი, ანუ წყლის ნაკადების გამანაწილებელია. დღეს ბაზარზე არსებული ქვაბების დაახლოებით 70-80%-ში ეს ნაწილი პლასტმასისგან არის დამზადებული. პლასტმასი მაღალ ტემპერატურაზე რბილდება, ხდება მყიფე, უჩნდება ბზარები და საბოლოოდ იწყება წყლის გაჟონვა, რაც მთლიანი სისტემის მუშაობას აფერხებს. მაღალი ხარისხის გათბობის ქვაბში პლასტმასის კომპონენტები საერთოდ არ უნდა იყოს გამოყენებული. ამის გამო, „იტალთერმმა“ არჩევანი სპილენძსა და თითბერზე შეაჩერა. ლითონის ეს შენადნობები ტემპერატურულ ცვლილებებს მარტივად უმკლავდება და პირვანდელ თვისებებს ათწლეულების განმავლობაში ინარჩუნებს. შედეგად, სისტემა დაცულია გაჟონვისგან და ჰიდრავლიკური ჯგუფი სტაბილურად ასრულებს თავის ფუნქციას.
რა იცავს თბომცვლელს კოროზიისა და დაზიანებისგან?
კიდევ ერთი დეტალი, რომელსაც ყურადღება უნდა მიაქციოთ, თბომცვლელია. ეს არის კომპონენტი, სადაც უშუალოდ ხდება წყლის გაცხელება. სტანდარტულად, ის სპილენძისგან მზადდება, თუმცა საქართველოში არსებული წყლის ხარისხი სპილენძისთვის გამოწვევას ქმნის. წყალში არსებული მინერალები და ჟანგბადი აქტიურად შედის რეაქციაში ლითონთან, რაც კოროზიას და დეტალის დაზიანებას იწვევს. „იტალთერმის“ ქვაბში ინტეგრირებულ თბომცვლელს სპეციფიკური, მოშავო-მოლურჯო შეფერილობა აქვს, რაც შემთხვევითი არ არის. ამგვარი შეფერილობა განპირობებულია იმით, რომ სპილენძი დამატებით დამუშავებულია სილიციუმისა და ალუმინის სპეციალური ნაერთით. ეს ფენა ქმნის დამცავ ბარიერს და სპილენძს კოროზიისგან იცავს. შედეგად, თბომცვლელი, როგორც გათბობის ქვაბის ერთ-ერთი ყველაზე მნიშვნელოვანი კომპონენტი, უფრო დიდხანს ძლებს და წლების განმავლობაში შეუფერხებლად მუშაობს.
რატომ არის ვენტილატორის ვერტიკალური განლაგება მნიშვნელოვანი?
ყურადღებას იმსახურებს გამწოვი ვენტილატორიც, რომელსაც ნამწვი აირები გარეთ გააქვს. ხშირად, როდესაც ვენტილატორი დახრილი კუთხით არის დამონტაჟებული, მის ფრთებზე ნამწვი გროვდება. ეს თავდაპირველად ვიბრაციასა და ხმაურს იწვევს, შემდეგ კი ღერძის ბალანსს არღვევს და ნაწილი მწყობრიდან გამოჰყავს. ,,იტალთერმის” გათბობის ქვაბი ამ მიმართულებითაც გამორჩეულია და მასში ვენტილატორი ჰორიზონტალურადაა განთავსებული. ასეთ მდგომარეობაში ნამწვი და მცირე ნაწილაკები ფრთებზე ვეღარ ჩერდება, რადგან მიზიდულობის ძალა მათ ქვემოთ აგდებს. თვითწმენდის ეს ბუნებრივი პრინციპი განაპირობებს იმას, რომ ვენტილატორი დიდი ხნის განმავლობაში მუშაობს უხმაუროდ და არ საჭიროებს ხშირ ტექნიკურ ჩარევას.
რატომ აქვს დიდი მნიშვნელობა საფართოებელი ავზის მოცულობას?
გათბობის სისტემაში წყალი გაცხელებისას ფართოვდება, გაცივებისას კი იკუმშება. ამ მუდმივი ცვლილებების დასაბალანსებლად საჭიროა საფართოებელი ავზი. ბევრ სტანდარტულ მოდელში, 24-25 კილოვატიან ქვაბებშიც კი მხოლოდ 5-6 ლიტრიანი ავზია, რაც ზოგჯერ არასაკმარისია. იტალიურმა ბრენდმა გათბობის ქვაბების წარმოებისას ამ მიმართულებითაც განსაკუთრებული მიდგომა აირჩია. მათ 20 კილოვატიან ქვაბში 8 ლიტრიანი ავზია ჩამონტაჟებული და მოცულობის ამგვარი ზრდა დადებით გავლენას ახდენს სისტემის მუშაობაზე. დიდი ავზი თავისუფლად აცხელებს 80 ლიტრამდე წყალს და სისტემაში წნევის ცვალებადობას ეფექტურად არეგულირებს.
რატომ არის სერვისისთვის სამმხრივი პანელი უფრო მოსახერხებელი?
ნებისმიერ ტექნიკას, რაც არ უნდა ხარისხიანი იყოს, დროდადრო შემოწმება სჭირდება. ქვაბების უმეტესობას მხოლოდ წინა პანელი ეხსნება, რის გამოც ტექნიკოსს დეტალამდე მისაღწევად ხშირად არაკომფორტულ პირობებში უწევს მუშაობა. ამ პროცესში იკარგება დრო, სამუშაოს ხარისხი კი ზარალდება. „იტალთერმის“ ქვაბის პანელი სამივე მხრიდან იხსნება. ამის წყალობით, ნებისმიერ კომპონენტთან წვდომა მარტივი და სწრაფია. ქარხნულად არის გამოყვანილი ოთახის თერმოსტატის კაბელიც — საჭიროა მხოლოდ მისი შეერთება, მართვის პლატაზე ძებნა და მიერთება კი აღარაა საჭირო. საბოლოო ჯამში, გათბობის ქვაბის შერჩევა გრძელვადიანი გადაწყვეტილებაა. როდესაც მაღაზიაში არჩევანს აკეთებთ, აუცილებლად იკითხეთ დეტალები: რისგან არის დამზადებული ტუმბოს ლილვი, ჰიდრობლოკი და როგორ დგას ვენტილატორი. თუ პასუხები ბუნდოვანია, დაფიქრება გმართებთ. თუ გსურთ, რომ თქვენი არჩევანი გარანტირებულად ხარისხიანი იყოს, „იტალთერმის“ პროდუქციის ოფიციალური იმპორტიორი საქართველოში „თერმოინდუსტრიაა“. ჩვენთან თქვენ არა მხოლოდ უმაღლესი ხარისხის, გამძლე და ეკონომიურ გათბობის ქვაბს შეიძენთ, არამედ მიიღებთ პროფესიონალურ კონსულტაციასაც.