ჩვენს ქვეყანაში სააბაზანოს სანტექნიკის დაზიანების ერთ-ერთი მთავარი მიზეზი წყლის ხარისხია. ლაბორატორიული კვლევებით დასტურდება, რომ წყალში გახსნილი მყარი ნივთიერებების რაოდენობა საკმაოდ მაღალია (115-193 მგ/ლ), სიხისტე კი 11-12 °dH-ს აღწევს. ეს ნიშნავს, რომ წყალი გაჯერებულია კალციუმითა და მაგნიუმით, რაც დროთა განმავლობაში ზედაპირსა და შიდა მექანიზმებზე ნადების სახით ილექება.
5-10 წლის პერსპექტივაში ეს პროცესი მილებს ახშობს, წყლის ნაკადს ამცირებს და მექანიზმებს აზიანებს. ვინაიდან წყლის შემადგენლობას ვერ შევცვლით, ერთადერთი გამოსავალი სააბაზანოს სანტექნიკის სწორად შერჩევაა. გადამწყვეტი მნიშვნელობა აქვს, რისგან არის დამზადებული ნივთი, რადგან ხარისხიანი მასალა ხისტ წყალს უძლებს, უხარისხო კი მალევე გამოდის მწყობრიდან. ამ ბლოგში სწორედ იმაზე ვისაუბრებთ, თუ რომელ მასალაზე უნდა შეაჩეროთ არჩევანი, რომ თავიდან აირიდოთ მსგავსი პრობლემები.
რატომ არის ფაიფურის უნიტაზი საუკეთესო არჩევანი?
უნიტაზის შერჩევისას ვიზუალურ მხარეზე მეტი ყურადღება კერამიკის შემადგენლობას უნდა დაეთმოს. მაღაზიაში ფაიანსისა და პორსელანის გარჩევა თვალით თითქმის შეუძლებელია, თუმცა ექსპლუატაციის პერიოდში მათ შორის არსებული განსხვავებები მალევე იჩენს თავს.
ფაიანსი ფორებიანი მასალაა და ის წყალს ინტენსიურად იწოვს. ამის გამო, მასში სინესტე გროვდება, ფორები ფართოვდება, ზედაპირზე მიკრობზარები წარმოიქმნება და სააბაზანო ოთახში უსიამოვნო სუნი ჩნდება. ფაიფური გაცილებით მაღალ ტემპერატურაზე მუშავდება, ვიდრე ფაიანსი, და უფრო მკვრივი ტექსტურა აქვს. მისი ზედაპირი მინანქრითაა დაფარული და არ ინესტება.
მასალის გარდა, მნიშვნელოვანია ჩამრეცხი მექანიზმიც. ძველი ტიპის მოდელებში წყალი დახურულ არხში მოძრაობს, სადაც ნადები გროვდება და ბაქტერიები მრავლდება. რიმლეს (Rimless) მოდელებს ეს რგოლი არ აქვს. ზედაპირი მთლიანად ღიაა, რაც ჭუჭყის დაგროვებას გამორიცხავს და მოვლასაც აადვილებს.
რატომ ჯობს, რომ არჩევანი კერამიკულ ხელსაბანზე შეაჩეროთ?
მინის ან ბუნებრივი ქვის ხელსაბანი აბაზანის ინტერიერში ძალიან ეფექტურია, თუმცა ყოველდღიური მოვლა რთულია. აორთქლებული წყლის წვეთები მინის ზედაპირზე თეთრ ლაქებს ტოვებს, მათ მოსაშორებლად კი მჟავის შემცველი ხსნარებია საჭირო. ხანგრძლივი მოხმარებისას ეს ქიმიური ნივთიერებები მინას აზიანებს და მას ფერს უცვლის. რაც შეეხება მარმარილოს, ფოროვანი სტრუქტურის გამო ის წყალს იწოვს, რის გამოც ნადების საწინააღმდეგო საშუალებების გამოყენება მუდმივად მოგიწევთ.
უმჯობესია თუ არჩევანს კერამიკის ნიჟარაზე შეაჩერებთ. მისი ზედაპირი სპეციალური ფენითაა დაფარული, რომელიც ქიმიურად იმდენად მყარია, რომ ნებისმიერ საწმენდ სითხეს უძლებს. ამასთან ერთად, ჰიდროფობურ ზედაპირზე წყლის წვეთები ერთად გროვდება და ისე ირეცხება, რომ კვალს არ ტოვებს.
როგორ განასხვაოთ ხარისხიანი შემრევი და რატომ არის თითბერი შეუცვლელი?
შემრევების შემთხვევაში ხარისხის შეფასება ძალიან მარტივად, მოწყობილობის წონით არის შესაძლებელი. მაგალითად, თითბერი ძალიან მძიმეა და სწორედ ამით მიხვდებით, რომ მასალა საიმედოა. ის არ შედის რეაქციაში წყალთან, არ იჟანგება და ქრომის საფარსაც ხანგრძლივად ინარჩუნებს. ამის საპირისპიროდ, თუთიის შენადნობი მსუბუქია და წყალთან კონტაქტისას მალე ზიანდება. დროთა განმავლობაში თუთიის ზედაპირი იბერება, იქერცლება და პირვანდელ სახეს კარგავს.
გარეგნული მხარის გარდა, მნიშვნელოვანია შემრევის შიდა მექანიზმების გამძლეობაც. კერამიკული კარტრიჯები მკვრივია, თუმცა მექანიკურ ზემოქმედებას ვერ უძლებს. სისტემაში მოხვედრილი მცირე ნაგავი დისკებს შორის ხვდება, აზიანებს მათ და წყლის გაჟონვას იწვევს. თუმცა, დღესდღეობით მაინც საუკეთესო მასალად მიიჩნევა.
რატომ არის მშრალი ტრაპი საუკეთესო არჩევანი?
აბაზანაში სპეციფიკური სუნის გაჩენა ხშირად არასწორად შერჩეული სადრენაჟო სისტემის ბრალია. ტრადიციული ტრაპის შემთხვევაში არასასიამოვნო სუნს სიფონის მოხრილ ნაწილში ჩამდგარი წყალი ბლოკავს. თუმცა, ზაფხულში ეს სითხე ორთქლდება და ბარიერიც ქრება.
საუკეთესო ალტერნატივა მშრალი ტრაპის გამოყენებაა. მასში სილიკონის სარქველია ჩამონტაჟებული, რომელიც წყლის გატარების შემდეგ ავტომატურად იკეტება და ჰერმეტულობას ნებისმიერ პირობებში ინარჩუნებს.
სადრენაჟო არხის კონსტრუქცია ძირითადად პლასტმასის ან ლითონისგან მზადდება, თუმცა მისი ხილული ნაწილი ანუ ცხაური აუცილებლად უნდა იყოს დამზადებული მაღალი ხარისხის, AISI 304 უჟანგავი ფოლადისგან. ბაზარზე გავრცელებულია ისეთი ანალოგები (AISI 201), რომლებიც დიდი რაოდენობით მაგნიუმს შეიცავს. ასეთი ზედაპირები ვერ უძლებს მჟავა საწმენდ საშუალებებს და მომენტალურად ჟანგდება.
როგორ შეარჩიოთ სავენტილაციო სისტემა ობისა და ნესტის თავიდან ასაცილებლად?
უფანჯრო აბაზანაში ობის გაჩენის მთავარი მიზეზი არასწორად შერჩეული ვენტილაციაა. ბევრს ჰგონია, რომ სტანდარტული, 100მმ-იანი ვენტილატორი ნებისმიერ სივრცეს ეყოფა, რაც მცდარი მიდგომაა. მთავარი ყურადღება სივრციდან გასატანი ჰაერის მოცულობას უნდა მიექცეს. სტანდარტის მიხედვით, ჰაერის მასა საათში მინიმუმ 8-ჯერ უნდა განახლდეს ანუ 4 კვ.მ-იანი აბაზანის შემთხვევაში ეს ნიშნავს, რომ ვენტილატორს 108 კუბ.მ ჰაერის გატანა უნდა შეეძლოს. ჩვეულებრივი მოდელები ამ დატვირთვას ვერ უძლებს, რადგან მათი რესურსი 80-90 კუბ.მ-ით შემოიფარგლება. პრობლემის მოგვარება შეუძლია მხოლოდ მძლავრ ე.წ. ტურბო სერიის ვენტილატორებს.
ამასთან ერთად, ავტომატიზებული სისტემები ძალიან კომფორტულია და მომხმარებლის ჩარევის გარეშე მუშაობს. ტენიანობის სენსორიანი მოდელი ავტომატურად ჩაირთვება, როგორც კი ოთახში ნესტი მოიმატებს. ასევე პრაქტიკულია ტაიმერის ფუნქცია, რომელიც შხაპის მიღების შემდეგ ვენტილატორს დამატებით 15-20 წუთი ამუშავებს. ეს დრო საკმარისია იმისთვის, რომ სინესტე ბოლომდე გავიდეს და ოთახი გაშრეს.
პრაქტიკული რეკომენდაციები
შეჯამებისთვის შეგვიძლია გამოვყოთ ის ძირითადი წესები, რაც ხარისხიანი პროდუქციის შეძენაში დაგეხმარებათ. მთავარია, ვიზუალურ მხარესთან ერთად ყურადღება ტექნიკურ ნიუანსებსაც დაუთმოთ:
- შემრევის კორპუსი — არჩევანი ყოველთვის მძიმე, თითბერის მოდელებზე შეაჩერეთ. ის არ იჟანგება და ქრომის საფარსაც დიდხანს ინარჩუნებს, განსხვავებით თუთიის მსუბუქი ანალოგებისგან;
- უნიტაზის ტიპი — სასურველია ფაიფურის რიმლეს მოდელების შერჩევა. გარდა იმისა, რომ ეს მასალა გამძლეა, რიმლეს ტექნოლოგია ღია ზედაპირის გამო უფრო ჰიგიენურია;
- სიფონის შერჩევა — ხელსაბანისთვის რეკომენდებულია მყარი სიფონის გამოყენება. იაფფასიანი მილები მალე ზიანდება, აგროვებს ნადებს და აბაზანაში უსიამოვნო სუნის მიზეზი ხდება.
სად უნდა შეიძინოთ საუკეთესო სანტექნიკა?
თუ გსურთ, რომ თქვენი სააბაზანო ოთახი აღჭურვილი იყოს მხოლოდ ევროპული სტანდარტის შესაბამისი, დროში გამოცდილი პროდუქციით, მაშინ ,,თერმოინდუსტრიაში” გვესტუმრეთ. ჩვენთან დაგხვდებათ ევროპული წამყვანი ბრენდების სერტიფიცირებული პროდუქცია.
ჩვენი გუნდის გამოცდილება საშუალებას გვაძლევს, რომ არა მხოლოდ შემოგთავაზოთ მაღალი ხარისხის სააბაზანო სანტექნიკა, არამედ ზუსტად აგიხსნათ თითოეული კომპონენტის ტექნიკური მხარე. ამრიგად, თუ ეძებთ საიმედო პარტნიორს, რომელიც პასუხისმგებლობას იღებს ხარისხსა და მომსახურებაზე, ჩვენი გუნდი მზადაა დაგეხმაროთ.